Archive for the ‘فضفضة’ Category
بسم الله الرحمن الرحيم ” سأتغير :) “
مش عارف اقول ايه بصراحة؟!!
السلام عليكم في الاول……
بقالي فترة طويلة مبعملش اي حاجة مفيدة…. لذا قررت الان في تمام الساعة 3.24 صباحا يوم 14/7/2009 ان هذا كله سيتغير
لقد بدأت بالفعل… رجعت للعمل على معرفة المزيد عن المصادر المفتوحة وتطبيقاتها واستخدماتها وكل شيء عنها ومتابعه كل جديد في عالم التقنية
بالإضافة للرجوع لهوايتي الأولى والمفضلة الأ وهي التصميم
لا أدري ما الذي جعلني اتعطل كل هذه الفترة “حوالي سنة تقريبا”
- لقد كنت قد- انهيت دراستي الثانوية (جملة غريبة) و التحقت بالجامعة، وبما أنني مصري ودراستي في مصر فيجب ان اكون ممرت على التنسيق ومشاكله…الخ “مش معنى كدا ان الكل بيمر على التنسيق واهواله…لا في ناس بتاخده من قاصرها وتنط في الخاص علطول”…
المهم بدات دراستي “هندسة” واعافر هنا حاليا في مصر وحيدا…… ملخص عن موضوع سيأتي قريبا
صراحة انا مرهق ولا اعرف ما اكتب فعذرا على عدم التنسيق 
والسلام ختام
حاجة تشل والله
والله العظيم حاجة تشل
من يومين كدا كنت في صدد كتابة بوست جديد…موضوعه كان اعتذار لواحد صاحبي على خناقة هايفه
المهم وانا بكتب النت فصل -ويرليس بعيد عندكوا- مرديش يرجع تاني…قلت ياواد ياخالد..انسخ اللي كتبته على الnotepad واحفظه
وعمبت ريستارت للجهاز…وبعدين مرديش يشتغل ….تاني يوم اشتغل افتح النوت باد ….اللغة حاجة تانية خالص…!!!
يا سلام
والله مش عارف اقول ايه…انا مبسوط
..يمكن علشان جبت “لاب توب جديد” ليا
….ولا يمكن علشان شايف اني ممكن استفيد منه واستغله في خططي الحالية…ممكن
هوا الصراحة هيسعدني جدا!!!
هيبقالي حاجة خاصة اخيرا..الحمد لله
من غير غلاسة اخ اصغر يقولك: قوم بقى عايز اقعد!!
ولازم حضرتك تقوم وتقطع شغلك “اللي هوا مهم بالنسبالك انت بس”..بس مش مهم اللي يهم سعادتك..سعادتك واللي انت عايزوا تشربوا من اقرب……
وعلشان مفيش حد هيشاركني فيه اقدر انزل واحمل واجرب اللي انا عايزه………..يا سلام
وان شاء الله يجي بالخير!!
تحياتي
============
ملحوظة: كنت راكن المدونة علشان كنت مشغول في ظروف عائلية الفترة اللي فاتت
وحاجة كمان …استخدام الصابع كماوس……………حاجة ذل جدا
إني لحزين
السلام عليكم
كنت بقرأ في كتاب ثم فرغت منه وواتتني أفكار كثيرة..تلك الأفكار التي تأتيك عندما تكون مختليا بنفسك
كنت أفكر إذا استطعت أن أناقش هذا الكتاب مع أحد من أصدقائي، ولكن أسفاه..لم أستطع أن أذكر أحد!!
فهذا فلان..لايقرأ الكتب أو لا يقرأ بتاتا.. ولكن يلعب
وهذا آخر..لا يقرأ الكتب كأخبه الذي سبقه… ولكنه لا يلعب بل “يلفلف” خلف الفتيات في “المولات”
وذاك آخر عالمه “البلاستيشن والأكس بوكس”
أنا لا اعترض مع مايفعلونه “ما عدا الكابتن بتاع البنات”…
ولكن ألا يمكن أيجد وقتا ليقرأ “أي شيء”…على قول أنيس منصور*
اعتقد -والله أعلم- أني الوحيد بين أصدقائي الذي يقرأ…مع أني لست أقرأ الكثير
ولكن ما يحزنني أن أحدا منهم لا يريد أن يقرأ ويكتفي بقول: “يا عمي مش كفاية علينا المدرسة وكتبها وقرفها” أو يقول: “لك أقرا شو؟!! إنتا أهبل إنتا”
وإذا أراد أحد منهم أن يعرف شيء..أي شيء
يكتفي بالمصادر المرئية أو السمعية…ويتحاشى أن يقرأ
مثال “ولو أنه ركيك”: عندما تشتري جهاز جديدا..يكون معه كتيب الاستخدامات…تلقي عليه نظره “في السريع” ثم تستخدم “فكاكتك” للتعامل معه…لأن سعادتك أو سعادته أو سعادتها…لا تحتاجه وتفهم كيفية عمل الجهاز “بالفهلوه”
لا أريد أن يغضب مني أحد….لأني أفعل ما قلته في المثال…عادة سيئة اقتربت من إعدامها!!
من “خزعبلاتي” هذه كلها.. أريد القول أن القليل منا هم من يريد أن يقرأ من تلقاء نفسه لا “غصبا” عنه
وهذا يحزنني
فما الحل؟!!
عن نفسي، فإني أدعو من أستطيع من أصدقائي ومعارفي للقرآءة
فاعطي هذا كتابا قرأته ظنا مني أنه قد يعجبه…فإذا أعجبه قرأه..واكتفى بهذا
وذاك ادعوه ليبتاع كتابا أظن أنه سيفيده أو يساعده في عمله أو هوايته..أو غير ذاك
“فيصدر لي الطرشة!!”
ومع ذلك فإني لم أيأس إلى الآن…مع أني لم أتحصل على أي نتيجة من مجهودي!!
=========================================
أنا حبيت أجرب الفصحى “بتاعتي” فلو فيه حد عندوا رأي يا ريت يكتبوا
وشكرا
* إقرأ أي شيء……أنيس منصور
السلام عليكم
